அஸ்வினை வில்லனுக்கு அறிமுகப்படுத்திய அஜித்

அஸ்வினை வில்லனுக்கு அறிமுகப்படுத்திய 

அஜித்

அஜித்துடன் ‘மங்காத்தா’ படத்தில் இணைந்து நடித்தவர் அஸ்வின். 'மங்கத்தா'வில் இவர் போலீஸ் வேடத்தில் நடித்திருந்தார். இப்படத்திற்கு பிறகு ‘இதற்குத்தானே ஆசைப்பட்டாய் பாலகுமாரா’, ‘மேகா’ ஆகிய படங்களில் கதாநாயகனாக நடித்தார். தற்போது, இவருக்கு மீண்டும் அஜித் பட வாய்ப்பு தேடி வந்துள்ளது. 

அஜித் தற்போது நடித்து வரும் ‘சிறுத்தை’ சிவா படத்தில் அஸ்வின் ஒரு முக்கிய கதாபாத்திரத்தில் நடித்து வருகிறார். இதில், அஜித்துடன் மீண்டும் நடித்தது குறித்து அஸ்வின் கூறும்போது,  

வழக்கமாக அஜித்தோடு நான் பேசியது குறித்து எந்த தகவலையும் சமூக வலைதளங்களில் பகிர்ந்து கொண்டது கிடையாது. நேற்று அஜித் நடிக்கும் படத்தின் படப்பிடிப்பு தளத்திற்கு போயிருந்தேன். அங்கு ஸ்டண்ட் மாஸ்டர் சில்வா, மற்றும் அவருடன் ஸ்டண்ட் கலைஞர்களும் இருந்தனர். 

‘மங்காத்தா’விலிருந்தே அவர்களுக்கு என்னை தெரியும் என்பதால் தங்கள் உயிரைப் பணயம் வைத்து வேலை செய்யும் அவர்கள் என்னிடம் ‘ரொம்ப நல்லா பண்றீங்க’ என்று எனது நடிப்பை பாராட்டினர். அவர்கள் கடுமையான உழைப்பாளிகள். 

இந்த படத்தின் வில்லனான கபீர் 100 சதவீதம் தனது திறமையை வெளிப்படுத்தியுள்ளார். சிறுத்தை சிவா சார் இயக்கத்தில் உருவாகும் இந்த படம் ரசிகர்களுக்கு ஸ்பெஷலான ஒரு அனுபவத்தைக் கொடுக்கும். 

படப்பிடிப்பு தளத்தில் அஜித் என்னை பார்த்ததும் அங்கிருந்த வில்லன் கபீர் கானிடம் கூட்டிச் சென்று “இவர்தான் அஸ்வின். மங்காத்தாவில் என்னோடு சேர்ந்து நடித்தவர். நல்ல நடிகர்” என்று அறிமுகப்படுத்தினார். ஒரு சீனியர் நடிகரிடமிருந்து இப்படி ஒரு வரவேற்பு கிடைத்த சந்தோஷத்திலிருந்து இன்று வரை என்னால் மீளமுடியில்லை என்று கூறியுள்ளார்.